«ԱՄՆ-ն փորձում է ներգրավվածություն ունենալ Ադրբեջան-Հայաստան հակամարտության կառավարելիության հարցում». Արմեն Պետրոսյան

Տարածաշրջանային հարցերով փորձագետ Արմեն Պետրոսյանի ֆեյսբուքյան գրառումը. «Կարծես՝ ԱՄՆ-ն փորձում է որոշակի ներգրավվածություն ունենալ Ադրբեջան-Հայաստան հակամարտության հանգուցալուծման/կառավարելիության հարցում։
Նախօրեին տեղի ունեցած Ռուբիո-Փաշինյան հեռախոսազրույցին հաջորդել էր ԱՄՆ պետքարտուղարի և Թուրքիայի ԱԳ նախարարի հանդիպումը։
Իսկ վերջինի ընթացքում, ի թիվս այլ հարցերի՝ ԱՄՆ-Թուրքիա հարաբերությունները, տարածաշրջանային, այդ թվում՝ Սիրիայի, Ուկրաինայի, Գազայի խնդիրները, քննարկվել է նաև Ադրբեջանի ու Հայաստանի միջև ընթացող գործընթացը։
Զարգացումների նման միտումները բավականաչափ կարևոր են, քանի որ, հաշվի առնելով ԱՄՆ-ի նոր վարչակազմի աշխարհաքաղաքական առաջնահերթությունները, որոշակիորեն նպաստում են Հարավային Կովկասում կայունության պահպանմանը»: