«Ընդդիմությունը միշտ մեռած է ձևանում, երբ ՀՀ շահերի հետ կապված ինչ-որ բան է լինում»․ Հայկ Կոնջորյան

Ինչպես հայտնել էինք, ԱԺ նիստի օրակարգային հարցերից էր նաև Եվրոպական Միությանը Հայաստանի Հանրապետության անդամակցելու գործընթացի մեկնարկի մասին նախագիծը, որի քվեարկությանն ընդդիմադիրները հրաժարվեցին մասնակցել՝ այն համարելով «բաժակաճառ», «օրենքի ծաղր»։ ՔՊ խմբակցության ղեկավար Հայկ Կոնջորյանը հայտնեց, որ նախագիծը երկրորդ ընթերցմամբ ընդունելուն կողմ են քվեարկելու և որ զարմացած չէ ընդդիմության դիրքորոշումից․ «Ընդդիմությունը միշտ մեռած ա ձևանում, երբ ՀՀ շահերի հետ կապված ինչ-որ բան է լինում»,- ասաց նա:
Նշենք, որ ԱԺ-ն երկրորդ ընթերցմամբ և ամբողջությամբ ընդունեց Հայաստանի՝ ԵՄ-ին անդամակցելու մասին օրենքը։ Օրինագծին 64 ձայնով կողմ քվեարկեց «Քաղաքացիական պայմանագիր» խմբակցությունը, «Պատիվ ունեմ»-ը դեմ քվեարկեց, իսկ «Հայաստան» խմբակցությունը չմասնակցեց քվեարկությանը։