«Հակակոռուպցիոն կոմիտեում խոչընդոտվում է Գյումրիից բերման ենթարկված վստահորդիս հետ հանդիպումը»․ Հովհաննես Խուդոյան

Փաստաբան Հովհաննես Խուդոյանի ֆեյսբուքյան գրառումը․ «Արդեն 1 ժամ է, ինչ հակակոռուպցիոն կոմիտեում խոչընդոտվում է հանդիպումս վստահորդիս՝ Գյումրիից բերման ենթարկված Էմմա Գրիգորյանի հետ։ Ներկա են ՄԻՊ արագ արձագանքման մասնագետները, փորձում են կարգավորել խնդիրը։ Հրավիրում եմ ԶԼՄ ներկայացուցիչներին հակակոռուպցիոն կոմիտե»։
Մեկ այլ գրառմամբ փաստաբանը հայտնում է․ «Քիչ առաջ ՄԻՊ աշխատակիցների միջոցով տեղեկացա, որ վստահորդիս հետ հարցաքննություն է սկսվել առանց ինձ, իբրև թե վերջինս հրաժարվել է փաստաբանի օգնությունից։ Այս եղանակով ձեռքբերված ապացույցը ակնհայտ ապօրինի է, սակայն շատ տրամաբանական է հակակոռուպցիոն կոմիտեի սկսած դատավարական տեռորի համատեքստում»։