«Սարիկ Մինասյանը գնաց քաղաքական ինքնասպանության». Տիգրան Աբրահամյան

«Ես կարծում եմ, որ երեկ տեղի ունեցած Գյումրու քաղաքապետարանի թեկնածուների բանավեճում ՔՊ թեկնածուն գնաց քաղաքական ինքնասպանության ճանապարհով»,- Խորհրդարանական ճեպազրույցների ժամանակ ասաց «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով երեկվա բանավեճի ընթացքում Սարիկ Մինասյանի արտահայտությանը, թե գյումրեցիները գումար էին վճարել, որ չգնան Ղարաբաղում ծառայելու: Աբրահամյանի խոսքով՝ Մինասյանը նաև պատասխանատվություն ստանձնեց այս իշխանությունների բոլոր մեղքերի համար՝ հայրենիքի հանձնումից մինչև ՀՀ անվտանգությունը թշնամիներին վաճառելու հարցը և դրանով ինքն իր ճանապարհը փակեց հետագայում իր քաղաքական գործունեության համար: