«ՔՊ-ն նպատակ ունի զավթել իշխանությունը Գյումրիում»․ Ռուբեն Մխիթարյան

Գյումրիի քաղաքապետի թեկնածու («Իմ հզոր համայնք» կուսակցություն) Ռուբեն Մխիթարյանն ամփոփում է քարոզարշավը։

«ՔՊ-ականները նպատակ ունեն ինչ-որ մի ձև զավթել իշխանությունը Գյումրիում։ Օդում կախված լուրերի համաձայն՝ պետական հիմնարկությունների տնօրեններին կանչում են և, բացի նրանից, որ պահանջում են ընտրել ՔՊ թեկնածուին, ասում են՝ կասեք՝ որ ժամին եք գնում ընտրելու, կքվեարկեք, կնկարահանեք՝ ոնց եք քվեաթերթիկը դնում ծրարի մեջ և հետներդ դուրս կբերեք ընդդիմադիրների քվեաթերթիկները։
Մանիպուլյացիաներ են սկսվել՝ մտածելով, որ ժողովուրդը կընկճվի։
Դրսից հանարահավաքին մասնակցողներ բերելը, պետական կազմակերպությունների աշխատակիցներին հանրահավաքին բերելը խոսում է այն մասին, որ կա շատ լուրջ վախ, նաև այդ վախն էր պատճառը, որ գերագույն գլխավորը չեկավ, չմասնակցեց հանրահավաքին»։