«Եթե անգամ ՀՀ իշխանությունները միաձայն ձայնակցեն Ալիևին, անհնար է կասեցնել արցախյան խնդրի սրացումը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Միշտ այն կարծիքին եմ եղել, և բարձրաձայնել եմ ամենատարբեր հարթակներում, որ Արցախի (Լեռնային Ղարաբաղ) հիմնահարցը հնարավոր չէ փակել։ Դա այն խնդիրների թվին է պատկանում, որի լուծումը ո՛չ մի դեպքում չի կարող լինել միակողմանի։
Ադրբեջանը փորձում է ինքն իրեն և աշխարհին համոզել, որ միակողմանիորեն լուծել է խնդիրը, որը բնականաբար միայն բռնապետական դիկտատուրայի մտքով միայն կարող էր անցնել։
Արցախի հարցին հնարավոր չէ որևէ կերպ լուծում առաջարկել, որը կշրջանցի Արցախի ժողովրդի անժամանցելի իրավունքները։
Եթե անգամ Հայաստանի բոլոր իշխանությունները միաձայն ձայնակցեն Ալիևին, անհնար է կասեցնել արցախյան խնդրի սրացումը։ Թուրքիայում հաստատ լավ գիտեն, թե ռեպրեսիվ մեթոդներն անգամ չեն լռեցնի, և մի օր անիրավված ժողովրդի մեջ կուտակվածը կպայթի...»: