«Ուկրաինան արտաքին վերահսկողության կարիք չունի»․ Գուտերեշ

ՄԱԿ-ի գլխավոր քարտուղար Անտոնիո Գուտերեշը հայտարարել է, որ Ուկրաինան արտաքին վերահսկողության կարիք չունի։

«Ուկրաինայում կա օրինական իշխանություն, և պարզ է, որ այն պետք է հարգվի», - ասել է ՄԱԿ-ի գլխավոր քարտուղարը։

Հայտարարությունն արվել է ի պատասխան ՌԴ նախագահ Վլադիմիր Պուտինի՝ Ուկրաինայում ժամանակավոր կառավարություն ստեղծելու առաջարկին։

Վլադիմիր Պուտինը նշել էր, որ «Ուկրաինայի ներկայիս իշխանությունը ոչ լեգիտիմ է, և միջազգային փորձը թույլ է տալիս ստեղծել ժամանակավոր կառավարում, որը կգործի միջազգային հովանու, օրինակ ՄԱԿ–ի ներքո»:

ՌԴ Անվտանգության խորհրդի փոխնախագահ Դմիտրի Մեդվեդևը կրկնակի սուտ է անվանել ՄԱԿ-ի գլխավոր քարտուղար Անտոնիո Գուտերեշի խոսքերը, ով Կիևի իշխանություններին «լեգիտիմ» է համարել։