«Նիկոլի միակ իրական վախը ընդդիմության համախմբումն է»․ Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը. «Նիկոլը ոչ հայհոյանքից է վախենում, ոչ էլ՝ կառուցողական կամ ապակառուցողական քննադատությունից։ Նրա միակ իրական վախը ընդդիմության համախմբումն է՝ մեկ միասնական ճակատով իրեն դիմադրելու կարողություն ունեցող, կազմակերպված, բազմապրոֆիլ, իրար հետ պայմանավորված ընդդիմությունը, որը կարող է պատճառ դառնալ նրա հաճախակի գիշերամիզության։
Դա թույլ չտալու համար մեր «խիզախը» պատրաստ է բուծել տարբեր խմբակներ, որոնք իրար դեմ կռվում են, իր հակառակորդներին վատաբանում, արցախցիներին ու հայաստանաբնակ մեր հայրենակիցներին իրար դեմ հանում, ամեն ինչում դրսի հովանավորություն փնտրում։
Այս գիտակցումը պետք է ստիպի մեզ՝ սիրելի քույրեր և եղբայրներ, երբևէ չթիրախավորել իրար, փորձել գտնել ընդհանուր եզրեր, իսկ եթե դա հնարավոր չէ՝ գոնե չվնասել միմյանց։ Մենք բոլորս ունենք մեկ քաղաքական թիրախ, և այդ թիրախը Նիկոլ Փաշինյանն է։
Մնացած ցանկացած փոխադարձ թիրախավորում շահավետ է միայն նրան և նրա նեղ, բազմակի օգտագործման շրջանակին։ Նույնիսկ ՔՊ-ի միջին և ներքին օղակները նրա արած արարքների շահառուները չեն, և նրանք նույնպես ինչ-որ պահի ներգրավվելու են մեծ պրոցեսի մեջ։
Չարքից ազատվել է պետք՝ որքան շուտ, այնքան լավ։ Դա անհրաժեշտ է՝ իմ, քո և Հայաստանի Հանրապետության ապագա ունենալու իրավունքի համար»։