«Եթե ընդդիմությունից որևէ մեկն ինձնից շատ ձայն հավաքեց, միանշանակ միանալու ենք»․ Վարդան Ղուկասյան

Գյումրու ավագանու արտահերթ ընտրություններում նախկին քաղաքապետ Վարդան Ղուկայսանը գլխավորում է «Հայաստանի կոմունիստական» կուսակցության ցուցակը։ Քիչ առաջ նա կատարեց իր ընտրությունը։ Լրագրողների հետ զրույցում Ղուկասյանն ասաց․ «Եթե Գյումրու ընտրություններում ընդդիմադիր թեկնածուներից որևէ մեկը շատ ձայն հավաքեց, միանշանակ, մենք միանալու ենք իրեն՝ առանց պաշտոն զբաղեցնելու»,- ասաց Ղուկասյանը՝ բացառելով ՔՊ-ի հետ միավորվելը։