«Ընդդիմադիրներն ո՞ւմ, ինչի՞ն են ընդդիմադիր». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «ԱԺ-ում ընդդիմադիր 2 խմբակցություններ կան, որոնք 2022 թվականի սեպտեմբերից օրենքով կարող էին անվստահություն հայտնել Նիկոլ Փաշինյանի կառավարությանը։ Սակայն չեն հայտնում, այսինքն՝ վստահում են Հայաստանի տարածքները մաս-մաս հանձնող, ամեն ոլորտում ձախողված, կամայական արդարարադություն իրականացնող, կոռուպցիայի մեջ թաղված իշխանությանը։ Ընդդիմադիր պատգամավորները խորհրդարանում սուր հարցեր են տալիս Նիկոլ Փաշինյանին, նա էլ մանիպուլյացիայի իր հնարքներով հակադարձում է։ Բայց այդ ընդդիմադիրները չեն հարցնում, թե 2018 թվականին Բաքվից բանկային համակարգով Երևան ուղարկված 211 միլիոն դոլարը ովքե՞ր ստացան, միգուցե դրանք ուղարկված էին Հայաստանում հեղափոխություն անելու համար։ Ընդդիմադիրները չեն պահանջում, որ ԱԺ մշտական հանձնաժողովի նախագահ Անդրանիկ Քոչարյանը վերջապես հրապարակի 2020 թվականի պատերազմում մեր պարտության պատճառները քննած ԱԺ հանձնաժողովի եզրակացության ոչ գաղտնի մասը։ Հավելեմ, որ 2016 թվականի ապրիլյան պատերազմի հանգամանքները քննող հանձնաժողովի եզրակացությունը ևս հրապարակված չէ։ Գյումրիում քաղաքապետի պաշտոնի համար ընդդիմադիրների խաղերը նորից նույն հարցն են առաջադրում՝ Հայաստանի ընդդիմադիրները ո՞ւմ, ինչի՞ն են ընդդիմադիր»: