«Իշխանությունն այսօր հանրային որևէ խոսք չասաց քառօրյա պատերազմի մասին»․ Դավիթ Գալստյան

«Մենք քառօրյա պատերազմից դասեր քաղել էինք։ ՀՀ-ն համապատասխան միջոցառումները ձեռնարկել էր հակաօդային պաշտպանության համար։ Եթե չլիներ 2018 թվականի հեղափոխությունը, ապա կկարողանայինք դիմակայել Ադրբեջանի սանձազերծած պատերազմին։ Լսել ենք, որ փոխվել է զենք-զինամթերքի ձեռքբերման ռազմավարությունը։ Արդյունքում ունեցանք այն, ինչ ունեցանք»,- «Եռաբլուր»-ում լրագրողների հետ զրույցում ասաց Արցախի ԱԺ պատգամավոր Դավիթ Գալստյանը։ «Այսօրվա իշխանությունը շահարկում է քառօրյա պատերազմը՝ ասելով, թե հայրենիքից 400 հա է հանձնվել, բարձունք ենք կորցրել։ Նմանատիպ թեզերի տակ իշխանություն զավթածները թուրք-ադրբեջանական տանդեմին նվիրեցին մի ամբողջ Արցախ։ Այսօր էլ որևէ հանրային խոսք չասացին քառօրյա պատերազմի հերոսների մասով»,- ասաց Գալստյանը՝ նշելով, որ օրվա իշխանությունը սեփական մեղքը գցում է ժողովրդի վրա՝ մեղադրելով Արցախի հանձնման մեջ։