«Չենք կարող Մարտուն Գրիգորյանին ճնշել, բայց մեր կարծիքը հայտնել ենք»․ Տիգրան Աբրահամյան

«Մեր գործընկեր Մարտուն Գրիգորյանը չի եղել և չի ներկայացնում Հանրապետական կուսակցությունը։ «Պատիվ ունեմ» դաշինքում Մարտուն Գրիգորյանը հայտնվել է «Հայրենիք» կուսակցության քվոտայով»,- ասուլիսի ժամանակ հայտնել է ԱԺ «Պատիվ ունեմ» խմբակցության պատգամավոր Տիգրան Աբրահամյանը և, անդրադառնալով այն հարցին, թե Մարտուն Գրիգորյանը պե՞տք է միանա Վարդան Ղուկասյանին, թե՝ ոչ, ընդգծել է․ «ՀՀԿ-ն այս գործոնները հաշվի առնելով իրեն չի կարող իրավունք վերապահել մեր խմբակցության անկուսակցական անդամի նկատմամբ ո՛չ ճնշում գործադրելու, ո՛չ ուղղորդելու, ո՛չ էլ նրան ասելու այն իրականությունը, որով նա պետք է շարժվի։ Մենք նրան հայտնել ենք այս թեմայի հնարավոր հանգուցալուծման հետ կապված կարծիքը, բայց զերծ ենք մնում դա հանրայնացնելուց»։