«ՀՀ ԱԳՆ-ն պաշտոնապես ստում է». Մետաքսե Հակոբյան

«Ուզում եմ ցավով փաստել, որ ՀՀ-ն հասել է մի վիճակի, երբ ԱԳՆ-ն պաշտոնապես ստում է»,- Ազատության հրապարակում լրագրողների հետ զրույցում ասել է Արցախի ԱԺ պատգամավոր Մետաքսե Հակոբյանը՝ անդրադառնալով ԱԳՆ հայտարարության մեջ նշված այն մտքին, որ ԼՂ-ի կողմից մերժվել են երրորդ երկրներում Ադրբեջանի և ԼՂ-ի ներկայացուցիչների հանդիպման առաջարկները: «Մեղքը փորձել բարդելով Արցախի վրա՝ ստում են՝ ասելով, որ մենք մերժել ենք իրենց առաջարկները: Առաջարկ՝ որպես այդպիսին, արցախյան և ադրբեջանական կողմին պաշտոնապես չի էլ եղել: Մենք միշտ լրատվամիջոցներից ենք տեղեկացել: Նույնիսկ հանդիպման թույլ ակնարկները արցախյան կողմը միշտ ընդունել է: Այդ հանդիպումների մասին խոսել է միայն հայաստանյան իշխանությունը, այնուհետև լռություն է եղել, որևէ գործնական փուլ չի մտել»,- ընդգծել է Հակոբյանը՝ հավելելով. «Հետևաբար մենք փաստում ենք, որ իրենք իրենց հանցագործ ընթացքը շարունակելու միտումով նորից մտել են կեղծիքի փուլ և նորից ողջ մեղքը բարդում են Արցախի իշխանությունների վրա»: