Չորեքշաբթի, 02 հուլիսի, 2025 թ.
|
Ստեփանակերտում`   +17 °C

ԵՄ-ն 90 օրով սառեցնում է ԱՄՆ-ի նկատմամբ պատասխան մաքսատուրքերը

ԵՄ-ն 90 օրով սառեցնում է ԱՄՆ-ի նկատմամբ պատասխան մաքսատուրքերը
1432
Հինգշաբթի, 10 ապրիլի, 2025 թ., 15:37

Եվրոմիությունը 90 օրով սառեցնում է ԱՄՆ-ի նկատմամբ պատասխան մաքսատուրքերը։ Այս մասին հինգշաբթի հայտարարել է Եվրոհանձնաժողովի ղեկավար Ուրսուլա ֆոն դեր Լայենը։

«Մենք ցանկանում ենք բանակցություններին հնարավորություն տալ: Մենք շարունակում ենք վերջնական տեսքի բերել մեր պատասխան միջոցառումները, որոնք սատարել են ԵՄ երկրները, բայց մենք դրանք սառեցնում ենք 90 օրով»,- գրել է նա X սոցիալական ցանցում:

Ենթադրվում էր, որ ԱՄՆ-ի նկատմամբ ԵՄ-ի10-25 տոկոսի չափով պատասխան մաքսատուրքերը պետք է ուժի մեջ մտնեին 2025 թվականի ապրիլի 15-ից: ԵՀ ղեկավարի խոսքով՝ եթե բանակցություններն արդյունք չտան, տուրքերը կսահմանվեն։

Հիշեցնենք, որ ԱՄՆ-ի նոր մաքսատուրքերը պետք է ուժի մեջ մտնեին 2025 թվականի ապրիլի 9-ից, սակայն նույն օրը ԱՄՆ նախագահ Դոնալդ Թրամփը 90-օրյա դադար հայտարարեց, նշելով, որ անհրաժեշտ է «երեք ամիս մտածել» մաքսատուրքեր սահմանելու մասին։ Չինաստանը բացառություն էր։

Կարդացե՛ք նաև