«Ինչո՞վ է Ucom-ը տարբերվում Իոսիֆ Ստալինից»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը․ «Ինչո՞վ է Ucom-ը տարբերվում Իոսիֆ Ստալինից:
2025թ մարտի 19-ին Ucom-ը մեծ շուքով նշեց հաճախորդի օրը: Ucom-ի գլխավոր տնօրեն Յիրիկյան Ռալֆն ասաց, որ Ucom-ի «կապը հաճախորդների հետ ամրապնդվում է»:
Դրանից ուղիղ 23 օր անց, Յիրիկյան Ռալֆի իմացությամբ կամ վերջինիս ուղիղ ցուցումով Ucom-ն արգելափակում է «ամրապնդված կապով» հաճախորդին: Փաստորեն, Յիրիկյան Ռալֆի Ucom-ը, չկարողանալով արժանապատիվ կեցվածք ցուցաբերել հաճախորդի հետ փոխհարաբերություններում, վերջինիս արգելափակում է: Կարծում եմ՝ սա լուրջ կազմակերպության պահվածք չէ:
Հիշեցնեմ՝ քաղաքացին բարձրաձայնել էր այն մասին, որ Ucom-ի աշխատակիցները բնակարաններում ինտերնետ-սարքը տեղադրելիս, պատի մեջ անցքերը բացում են առանց դռելի՝ բացառառապես պտուտակահանի և պտուտակների օգնությամբ: Ավելին՝ վերջիններս պատի մեջ բացում են չօգտագործվող անցքեր, իսկ օգտագործվող անցքերի մեջ չեն տեղադրում դյուբելներ: Այսինքն, Ucom-ի աշխատակիցների այցից հետո բնակարանը վերանորոգման կարիք է ունենում: Քաղաքացու դիտարկումից հետո, Ucom-ը, Ucom-ի Սյուզիի միջոցով, քաղաքացուն վնասի դիմաց դրամական փոխհատուցում առաջարկեց, սակայն հաջորդ օրը փոխհատուցման տրամադրման համար անիրագործելի պայմաններ ներկայացրեց: Խնդիրը մնաց առկախված:
Ucom-ը գտավ ամենախայտառակ լուծումը՝ արգելափակեց քաղաքացուն:
Ըստ Ucom-ի, չկա քաղաքացի, չկա խնդիր:
Ըստ Իոսիֆ Ստալինի, չկա մարդ, չկա պրոբլեմ»:

Հ․Գ «Հոդվածի հրապարակումից անմիջապես հետո Ucom-ն ապաարգելափակեց քաղաքացուն»,- մեր հրապարակումից հետո մեկնաբանություն բաժնում գրել է Կարեն Հեքիմյանը։