«Այս երկակի մոտեցումը ցույց է տալիս Ֆրանսիայի կեղծավորությունը»․ Ադրբեջանի ԱԳՆ

484

Երկուշաբթի, 14 ապրիլի, 2025 թ., 15:19

Ադրբեջանի ԱԳՆ մամուլի քարտուղար Այհան Հաջիզադեն արձագանքել է տարածաշրջանում լարվածության աճի վերաբերյալ Ֆրանսիայի արտգործնախարար Ժան-Նոել Բարրոյի հայտարարությանը։

«Ֆրանսիայի կողմից Հայաստանին զենքի մատակարարումը և նրա երկարամյա հակաադրբեջանական դիրքորոշումը, որը չի ծառայում խաղաղությանը, չեն համընկնում ԱԳ նախարար Ժան-Նոել Բարրոյի՝ տարածաշրջանում լարվածության աճի վերաբերյալ արտահայտած մտահոգությունների հետ։

Այս երկակի մոտեցումը ցույց է տալիս Ֆրանսիայի կեղծավորությունը»,- գրել է Հաջիզադեն՝ X-ի իր էջում: