«Շատ քննադատվեց, բայց, կարծում եմ, նկատի չունի ՌԴ մաս դառնալը»․ Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը. «Հանուն արդարության:
Այսօր Վարդան Ղուկասյանի խոսքը շատ քննադատվեց, սակայն ես, մի քանի անգամ լսելով նրա խոսքի այդ և հարակից հատվածները, տպավորություն ստացա, թե նա նկատի ունի ՈՉ ԹԵ դառնալը Ռուսաստանի մաս, ԱՅԼ՝ միանալը Ռուսաստան-Բելառուս միությանը՝ պահպանելով ՀՀ անկախությունը, սակայն օգտվելով Բելոռուսին բաժին հասած դրականից (տնտեսություն, զենք, «թիկունք» և այլն):
Ահա նրա խոսքը (արանքում մի քանի թեմային չվերաբերող րոպեներ հանած), լսեք մինչև վերջ: Հատկապես վերջն է կարևոր, երբ ասում է «Հայաստանի անկախության պահպանման և պաշտպանության» մասին, որպես իր «կարմիր գիծ»»:
Եթե սխալվում եմ, ուղղեք»: