Ինչ է սպասվում հազարավոր դիմորդներին․ ԿԳՄՍՆ-ի խայտառակությունը․ «Հրապարակ»

«Հրապարակ»-ը գրում է․ «ՀՀ պատմության ընթացքում կրթության ոլորտի թերևս ամենամեծ խայտառակությունն է երեկ արձանագրվել՝ Գիտելիքների թեստավորման կենտրոնը հայտարարել է, որ դիմորդները կարող են ապրիլի 15-ից դիմել բուհեր, իսկ ԿԳՄՍ նախարար Ժաննա Անդրեասյանի առաջարկով՝ կառավարությունն ապրիլի 17-ին է հաստատել ընդունելության տեղերը: Այսինքն, շուրջ 2 օր մեկնարկել է հայտերի ընդունումը, սակայն որոշում չի եղել: Ստացվում է, որ ոտնահարվել են բազմահազար դիմորդների իրավունքները, և կրթության ոլորտի ղեկավարների կողմից ցուցաբերվել է աննախադեպ անփութություն՝ իրենց պարտականությունների կատարման հանդեպ»։