Նիկոլ Փաշինյանը Սուրբ Զատիկը շնորհավորել է 5-րդ Սաղմոսով

«Թող պարծենան քեզնով քո անունը սիրողները, քանզի դու պիտի օրհնես արդարին։
Քրիստոս հարյավ ի մեռելոց, օրհնյալ է Հարությունը Քրիստոսի»,- Ֆեյսբուքում գրել է վարչապետը և հրապարակել իր շնորհավորական ուղերձը Սուրբ Հարության տոնի կապակցությամբ:

Նիկոլ Փաշինյանը Սուրբ Զատիկը շնորհավորել է 5-րդ Սաղմոսով․

«ԱՂՕԹՔ ԱՊԱՀՈՎՈՒԹԵԱՆ ՀԱՄԱՐ

1 Դպրապետին. ժառանգորդների մասին, սաղմոս

2 Ակա՛նջ դիր իմ խօսքերին, Տե՛ր, և ո՛ւշ դարձրու աղաղակիս,

3 ընդունի՛ր ձայնն աղօթքներիս, Թագավո՛ր իմ և Աստվա՛ծ իմ:

4 Աղաչում եմ քեզ, Տե՛ր, որ առավոտյան լսես ձայնն իմ. առավոտյան պատրաստ կլինեմ քո առջև կանգնելու:

5 Դու անօրենություն կամեցող Աստված չես, և քեզ մոտ չարամիտներ չեն բնակվում:

6 Թող հանցագործները չապրեն աչքիդ առջև:

7 Դու ատեցիր անօրենություն գործողներին, կործանում ես բոլոր ստախոսներին, արյունահեղ ու նենգ մարդուց գարշում ես, Տե՛ր:

8 Իսկ ես քո ամենառատ ողորմության շնորհիվ կմտնեմ տունդ, և քե՛զ վայել ակնածանքով կերկրպագեմ սուրբ տաճարիդ մեջ:

9 Տե՛ր, արդարությամբ քո առաջնորդի՛ր ինձ, իմ թշնամիների պատճառով ուղղի՛ր իմ առջև ճանապարհները քո,

10 քանզի նրանց բերանում ճշմարտություն չկա, և նրանց սրտերն ունայնացած են:

11 Գերեզմանի պես բաց են կոկորդները նրանց, իսկ լեզուները՝ լի նենգությամբ: Դատի՛ր նրանց, Աստվա՛ծ, որ ետ կանգնեն իրենց մտքերից. իրենց անչափ ամբարշտության համար վանի՛ր նրանց, քանզի դառնացրին քեզ:

12 Թող ուրախանան բոլոր նրանք, որ հույս են դնում քեզ վրա, հավիտյան թող ցնծան, և դու ապրես նրանց մեջ. թող պարծենան քեզնով քո անունը սիրողները,

13 քանզի դու պիտի օրհնես արդարին. Տե՛ր, քո սպառազինությամբ պաշտպանեցիր մեզ»: