«Ցեղասպանություն ուրացողին մա՛ն եկեք Սերժ Սարգսյանի դիմապատկերի մեջ կամ ձեր կուսակցական շարքերում»․ Վահագն Ալեքսանյան

«Քաղաքացիական պայմանագիր» խմբակցության պատգամավոր Վահագն Ալեքսանյանը ԱԺ ամբիոնից այսօր հրապարակել է տեսանյութ՝ նշելով․ «Ձեզ եմ ներկայացնում 2010-2012 թվականին նկարահանված մի տեսանյութ՝ ԱՄՆ-ի՝ այդ ժամանակվա փոխնախագահ Ջո Բայդենի մասնակցությամբ»։

«Բայդենն ասում է․ «Հայաստանի Հանրապետության նախագահն է զանգել ինձ և խնդրել, որպեսզի չթեժացնեմ ցեղասպանության հարցը»,- նշել է Ալեքսանյանը՝ հավելելով՝ խոսքը վերաբերում է ցեղասպանության ճանաչմանը, 2010 կամ 2012 թվական, լավ չեմ հիշում․ նախագահը Սերժ Սարգսյանն էր:

«Ցեղասպանությունն ուրանալուց եք խոսում, հարգելի՛ հանրապետական ու դաշնակցական գործընկերներ, եթե ցեղասպանություն ուրացող եք ման գալիս, մա՛ն եկեք ձեր քաղաքական առաջնորդ Սերժ Սարգսյանի դիմապատկերի մեջ կամ ձեր կուսակցական շարքերում»,- ասել է պատգամավորը: