«ՔՊ-ն հովանավորում է, որ Անդրանիկ Քոչարյանը շատ ավելի վատ դրսևորի իրեն»․ Թագուհի Թովմասյան

««Քաղաքացիական պայմանագիր» խմբակցությունը իր խմբակցության որոշման արդյունքում ազդարարեց, որ ինքը հովանավորում է լրագրողների դեմ լկտի վարքագիծը և հովանավորում է, որ այսուհետ Անդրանիկ Քոչարյանը կարող է շատ ավելի վատ դրսևորել իրեն»,- ճեպազրույցի ժամանակ նշել է ԱԺ պատգամավոր Թագուհի Թովմասյանը՝ անդրադառնալով ՔՊ խմբակցության ղեկավարի հայտարարությանը, որ իրենք դեմ են քվեարկելու Անդրանիկ Քոչարյանի վարքը քննող էթիկայի հանձնաժողով ստեղծելու հարցին։ Պատգամավորի խոսքով՝ այլ քաղաքական գնահատական այստեղ չի կարող լինել, մնացածը ստախոսության ժանրի մեջ են։
Նշենք, որ ՀՀ ԱԺ պետական-իրավական հարցերի մշտական հանձնաժողովի նիստում քնարկվում է «Քաղաքացիական պայմանագիր» խմբակցության պատգամավոր Անդրանիկ Քոչարյանի վարքագծի վերաբերյալ պատգամավորական էթիկայի հարցերով հանձնաժողով ստեղծելու մասին նախագիծը։ Առաջարկը ընդդիմադիր «Պատիվ ունեմ» և «Հայաստան» խմբակցություններինն է։