«Նիկոլ Փաշինյանի իդեալը Իլհամ Ալիևն է». Էդգար Ղազարյան

«Եթե մեր իրականությունում խոսքն ազատ է, ապա ես ինչո՞ւ ունեմ մեղադրյալի կարգավիճակ, Արմեն Աշոտյանն ինչո՞ւ է բանտում, ինչո՞ւ են հալածվում քաղաքական գործիչներ»,- «Եվրոմեդիա»-ի եթերում այս հարցադրումներն է արել հասարակական-քաղաքական գործիչ Էդգար Ղազարյանը՝ անդրադառնալով վարչապետի այսօրվա՝ «Քաղաքացիների օրվան» նվիրված ուղերձում տեղ գտած այն մտքերին, որ մեր երկրի քաղաքացիներն ունեն խոսքի ազատություն, ընտրությունները չեն կեղծվում, իշխանությունը քաղաքացիներինն է:

Ղազարյանը նշել է, որ քաղաքացին մեր երկրում ոչ թե տոն ունի, ոչ թե իրավունքներ ունի, այլ նա ընդամենը դարձել է խաբեության զոհ։

«Հայաստանում բոլոր իրավունքներն են սահմանափակված և հաստատված է տոտալ հետամնաց բռնապետական իշխանություն, որովհետև Նիկոլ Փաշինյանի իդեալը «կիրթ և կառուցողական» Իլհամ Ալիևն է: Ուղղակի Իլհամ Ալիևը ժամանակի ընթացքում կարողացել է հաստատել կազմակերպված, կանոնակարգված տոտալ բռնապետություն, իսկ Փաշինյանը առայժմ ստեղծել է փնթի, անկազմակերպ բռնապետություն»,- ընդգծել է Ղազարյանը: