«Խաղաղության միակողմանի ցանկությունը պատերազմ է բերում»․ Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը.««Խաղաղություն» տենչողներին առաջարկում եմ ձեռքներդ գցեք սեփական մազերից և փորձեք ինքներդ ձեզ բարձրացնել օդ։ Հլը փորձեք, կարողա ձեր մոտ ստացվի, դուք ֆիզիկայի ու բնության օրենքներին հակառակ գնացող էակներ եք։
Քաղաքակրթական ֆիզիկան նույնպես ունի իր բնական օրենքները, որտեղ խաղաղության միակողմանի ցանկությունը, որպես կանոն, հակառակ էֆեկտ է ունենում՝ պատերազմ է բերում հենց «խաղաղություն» տենչողի գլխին։ Ջերմուկի և Արցախի պատերազմները վկա։ Բայց դե սրանք մեղքի 0 զգացումով էնքան նագլի էակներ են, որ դեռ նույն տեմպով շարունակում են իրենց «խաղաղություն» ցանկանալը։
Մյուս կողմից էլ պարադոքսը կայանում է նրանում, որ մենք ենք Ջաբրաիլում կռվել, մենք ենք պատերազմի սարսափը տեսել, բայց իբր իրենք են «խաղաղություն» ուզողներն, իսկ մենք՝ արնախում միլիտարիստները։ Իրականում, մենք նախ՝ ինֆանտիլ չենք, ու չենք ասում «ուզըմ եմ», և հետո էլ՝ տգետ չենք, քաղաքակրթական ֆիզիկա գիտենք։
«Guilty Man - Մեղավոր Մարդը» գրքում նկարագրված է Չեմբերլենների կառավարման շրջանը Բրիտանիայում՝ ինչպես էին նրանք, անպատվության գնալով, փորձում խաղաղություն ապահովել։ Ամենակարևորը՝ գիրքը ներկայացնում է, թե ինչպես է «անպատվությունը» ներսից քայքայում պետական ինստիտուցիոնալիզմը»։