«Իմպիչմենթին դեմ են երկու հոգի՝ Նիկոլ Փաշինյանն ու Ռոբերտ Քոչարյանը»․ Նարեկ Մալյան

«Նիկոլ Փաշինյանի իմպիչմենթի գործընթացին դեմ են երկու հոգի՝ Նիկոլ Փաշինյանն ու Ռոբերտ Քոչարյանը»,- ԱԺ դիմաց լրագրողների հետ զրույցում ասաց հասարակական գործիչ Նարեկ Մալյանը։
Հիշեցնենք՝ «Արթուն ենք» շարժման անդամներն ԱԺ պատգամավորներին են փոխանցում Նիկոլ Փաշինյանին 10 օրվա ընթացքում անվստահություն հայտնելու գործընթաց (իմպիչմենթ) նախաձեռնելու առաջարկով անհատական նամակներ:
«Իմպիչմենթի գործընթացն այս պահին միակ հնարավոր տարբերակն է ՀՀ-ում իշխանափոխություն իրականացնելու համար»,- ասաց Մալյանը՝ հավելելով, որ այդ գործընթացով հետաքրքրված ՔՊ-ական պատգամավոր է եղել անգամ, ով «Հայրենիքի փրկության շարժման» ժամանակ պատրաստ է եղել գումարի դիմաց անցնել ընդդիմադիրների կողմը։ «Մենք

հանդիպելու ենք նաև նախկին երեք նախագահների, կուսակցությունների հետ՝ հստակեցնելու մեր մոտեցումները, գուցե ստանալու արժեքավոր խորհուրդներ, արժեքավոր աջակցություն»,- ասաց Մալյանը՝ ներկայացնելով նախաձեռնության հետագա քայլերը։ Նրա խոսքով, վարչապետի ընտրության հարցում խմբակցությունները լինելու են ազատ, իսկ եթե պատգամավորների կողմից իմպիչմենթ չձեռնարկվի, ապա հանրությունը պետք է իրավիճակը վերցնի իր ձեռքը՝ գեներացնելով վարչապետի թեկնածու։