«Մայիսի 1-ին պետք է ցույց տանք աշխարհին, որ Հայաստանի սցենարիստը մենք ենք»․ Կարեն Արայան

«Լույսի բանակ» կազմակերպության ղեկավար, Վերածննդի շարժման առաջնորդ Կարեն Արայանի ֆեյսբուքյան գրառումը․ «Բոլորը, ովքեր արդարության համար գեթ մի խոսք բարձրացրած կան, ովքեր չեն վախեցել, ովքեր ճշմարտությունը չեն անտեսել ու կանգնել են մեր կողքին, թե գրառմամբ, թե տեսաուղերձով, թե մեկնաբանությամբ, թե շրջապատում իրենց խոսքով ու ցանկացած այլ տարբերակով, ուզում եմ իմանաք, որ ես ոչինչ չեմ մոռանում ու պահը գալու է, երբ մեծ հաղթանակն ու ցնծությունը ես կիսեմ ձեր հետ: Բարձրյալն օրհնի յուրաքանչյուրիդ: Ձեր էությունը Հայի է ու ես դա շատ բարձր եմ գնահատում: Իսկ էն բանսարկու բամբասանքչիների վերջը իրենց գերագույն գլխավոր ղեկավարներով հանդերձ շատ մոտ է: Միասնական Հայի ուժով մենք կկերտենք մեր տոկոնության, հավատարմության, վճռականության ու հաղթանակած պատմությունը: Մայիսի 1-ին հազարավոր Հայերով պետք է հանդիպենք և ցույց տանք աշխարհին, որ Հայի ու Հայաստանի սցենարիստը մենք ենք, ոչ թե հակահայ խմբավորումները իրենց փտած գլուխներով: Մայիսի 1-ին, ժամը 18:00 բոլորս կանգնում ենք Ազատության Հրապարակում և դա դառնում է բոլորիս նոր պատմության հաղթանակների առաջին էջը: