«Թուրքիայում կան Հայոց ցեղասպանության մասին մեծ թվով փաստաթղթեր, որոնք թաքցված են»․ թուրք պատմաբան

«Թուրքիայում կան Հայոց ցեղասպանության մասին մեծ թվով փաստաթղթեր, որոնք դեռ թաքցված են»,- ՀՀ-ում ասուլիսի ժամանակ ասել է թուրք պատմաբան, ցեղասպանագետ Թաներ Աքչամը։ Նա ընդգծել է, որ Հայոց ցեղասպանության հարցում գիտական բանավեճն արդեն ավարտված է և այդ շրջանակներում ոչ ոք հարցականի տակ չի դնում ցեղասպանության փաստը։ «Թուրքիան էլ գիտի, որ որևէ բան չի կարող անել դրա դեմն առնելու համար՝ ԱՄՆ-ի ճանաչումից հետո։ Ուզում եք տասնյակ փաստաթղթեր բերեք, որոնք ապացուցում են, որ Թալեաթն է հրամաններ տվել՝ հայերին սպանելու, բայց Էրդողանը կշարունակի հերքել Հայոց ցեղասպանությունը»,- նշել է թուրք պատմաբանը՝ հավելելով, որ Թուրքիայի կողմից Ցեղասպանության ճանաչումը հնարավոր կլինի միայն քաղաքական պայքարի միջոցով։