«Եթե ձեզ չպաշտպանի նիկոլ փաշինյանը, քանի՞ ձայն կհավաքեք». Նիկողոս Հովհաննիսյան

«Հայաստան» դաշինքի անդամ Նիկողոս Հովհաննիսյանի ֆեյսբուքյան գրառումը. «Ժամանակին, երջանկահիշատակ դաշնակցական Վահան Հովհաննիսյանն ԱԺ-ում մի ելույթ ունեցավ, որն ինձ համար, երևի, ամենատպավորիչներից էր, մանավանդ, որ այն ժամանակ քաղաքականությունն էդքան էլ չէր հետաքրքրում ինձ, այնուամենայնիվ, մինչև հիմա հիշում եմ ու չեմ էլ մոռանա։ Խոսքը հայտնի ելույթի մասին է, որտեղ նա՝ խոսքն ուղղելով ՀՀԿ-ի կարկառուն դեմքերին, ու ասեմ՝ իր սիրելի ընկերներին, (իր խոսքերն են), ասեմ ավելին նրանք իրար մոտ մեծ հարգանք էին վայելում, վկան նաև այդ պահին փոխխոսնակ Շարմազանովի լիաթոք ժպիտն էր վերևից, ասում էր.
«….Դուք որ առանձին ձեր թեկնածությունը մի տեղ դնեք ու ձեզ չպաշտպանի Հանրապետության նախագահը, ձեզ չպաշտպանի Հովիկ Արգամիչը, դատախազը, ոստիկանապետը և հայկական բանակը, դուք քանի՞ ձեն կհավաքեք, ձեզ էնքան կծեծեն դալաններում, որ դուք ոչ միայն ԱԺ-ում չեք լինի, այլ դուք կարտագաղթեք, դուք կարտագաղթեք տղերք, դուք ոչ մեկդ չեք կարողանա մեր ժողովրդի մեջ մի ձայն հավաքել…..»
Հիմա հարցս ուղղում եմ քպ-ին. «….Դուք որ առանձին ձեր թեկնածությունը մի տեղ դնեք ու ձեզ չպաշտպանի նիկոլ փաշինյանը, ձեզ չպաշտպանեն օլիգարխները, դատախազը, ոստիկանապետը և հայկական բանակը, դուք քանի՞ ձեն կհավաքեք, ձեզ էնքան կծեծեն դալաններում, որ դուք ոչ միայն ԱԺ-ում չեք լինի, այլ դուք կարտագաղթեք, դուք կարտագաղթեք տղերք, դուք ոչ մեկդ չեք կարողանա մեր ժողովրդի մեջ մի ձայն հավաքել»:
Սանձեք ձեզ, ուշքի եկեք։
Վստահ ասում եմ ձեզ, վստահ»։