«Վախենում են «ՔՊ»-ից ու դեմ չեն մեկը մյուսին ուղարկել քաղաքական ինքնասպանության»․ Վահագն Ալեքսանյան

ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանի ֆեյսբուքյան գրառումը. «Քոչարյանի ու Սարգսյանի թիմերի՝ գնդակը (իմպիչմենթի նախագիծը) անընդհատ իրար դաշտ փոխանցելն ու մեկը մյուսին պարտադրելը, որ վարչապետի թեկնածուի անունը մյուսը գրի, մի բանի մասին է՝
թ՛ե Սարգսյանը, թե՛ Քոչարյանը հասկանում են, որ եթե նույնիսկ մի հրաշքով կարողանան պակասող երկու ստորագրությունները հավաքել ու գալ կանգնել խորհրդարանի առաջ՝ որպես վարչապետի թեկնածու, դա նրանց համար քաղաքական կարիերայի ավարտ է լինելու՝ պայմանավորված ՔՊ խմբակցությամբ։ Թե՛ Քոչարյանը, թե՛ Սարգսյանը և թե՛ նրանց կողմից առաջադրված ցանկացած մեկը «Քաղաքացիական պայմանագրի» հետ խորհրդարանում առերեսվելուց հետո, այլևս դժվար թե կարողանա զբաղվել քաղաքականությամբ։
Երկուսն էլ վախենում, կամ ավելի շուտ սարսափում են խորհրդարանում ՔՊ-ի առաջ հայտնվելուց, ու դրա համար է, որ նրանց խմբակցությունների դիալոգը հիմա հնչում է այսպես.
— ՉԷ՛, դուք Քոչարյանին առաջադրեք։
— Չէ՛, դուք Սարգսյանին առաջադրեք։
Արձանագրեք՝ Քոչարյանի խմբակցությունը մեծագույն սիրով պատրաստ է առաջադրել Սարգսյանին, իսկ Սարգսյանի խմբակցությունը՝ Քոչարյանին։
Ամփոփելով՝ Սերժն ու Ռոբերտը վախենում են «Քաղաքացիական պայմանագրից», շատ են վախենում, բայց դեմ չեն մեկը մյուսին ուղարկել քաղաքական ինքնասպանության»: