«Ամենից շատ խախտումները հեղուկ գազի ոլորտում են». #FIP
![]() 1951 Երկուշաբթի, 05 մայիսի, 2025 թ., 11:48 Ավտոտրանսպորտի լցակայաններում Հայաստանի Հանրապետության շուկայի վերահսկողության տեսչական մարմնի ստուգումների ամենամյա վիճակագրությունը փաստում է, որ ավտոմեքենաների վառելիքի թերլիցքավորման խնդիրը շարունակում է սուր մնալ։ ՀՀ կառավարությունը 2023 թվականի մարտի 30-ին՝ լցակայանների պատասխանատվությունը բարձրացնելու և սպառողների իրազեկվածությունն ապահովելու նպատակով, ընդունել էր N 451-Ն որոշումը, որով սահմանվել էր, որ հեղուկ վառելիքի, սեղմված բնական կամ հեղուկացված նավթային կամ ածխաջրածնային գազերի մանրածախ առևտրի կետերում թերլիցքավորման համար տնտեսվարողը լցակայանում պետք է փակցնի «Մենք տուգանվել ենք թերլիցքավորման համար» գրությամբ ցուցանակ: Որոշմամբ սահմանվում է ոչ միայն ցուցակի տեղադրման և ապամոնտաժման կարգը, այլ նաև QR կոդի միջոցով ներկայացվող տեղեկատվության պահանջները․ դրա միջոցով սպառողները հնարավորություն ունեն լցակայանից օգտվելիս մուտք գործել համակարգ և ծանոթանալ տվյալ լցակայանի ընդհանուր գործունեությանը և գործունեության վերաբերյալ ամբողջական տեղեկատվությանը: «Փաստերի ստուգման հարթակը» ՀՀ շուկայի վերահսկողության տեսչական մարմնից ստացված տվյալների հիման վրա ամփոփել է նախորդ՝ 2024 թվականին ավտոմեքենաների վառելիքի թերլիցքավորման դեպքերի վիճակագրությունը։ Այսպես, 2024 թվականին հայտնաբերվել է ընդհանուր 31 թերլիցքավորման դեպք, դրանցից 18-ը՝ հեղուկացված ածխաջրածնային գազերի ոլորտում, 8-ը՝ ավտոմոբիլային բենզին և դիզելային վառելիքի ոլորտում, 5-ը՝ ավտոգազալիցքավորման ճնշակայաններում (ԱԳԼՃԿ)։ Նախորդ տարում ավտոմոբիլային բենզինի և դիզելային վառելիքի ոլորտում իրականացվել է որակի վերահսկման 80 ստուգում․ դրանց ընթացքում վերցվել է 196 փորձանմուշ, որոնցից 37-ում հայտնաբերվել են անհամապատասխանություններ։ Իսկ հեղուկացված ածխաջրածնային գազերի ոլորտում իրականացվել է նմանօրինակ 70 ստուգում․ վերցված 20 փորձանմուշներից ոչ մեկում անհամապատասխանություններ չեն հայտնաբերվել։ |
«20 րոպեում վթարի վայրից մեքենաները հեռացնելու օրենքը չի աշխատելու»․ Սամսոն Գրիգորյան
59804.07.2025, 22:42Երևանում հուլիսի 4-ին և 5-ին մի շարք փողոցներ փակ կլինեն
69203.07.2025, 19:24Ուջանի մոտից երթևեկությունը կտեղափոխվի դեպի Հյուսիս-հարավի նորակառույց ճանապարհ
59703.07.2025, 18:00Առաջարկվում է թեթև ավտովթարների դեպքում 20 րոպե ժամկետ սահմանել երթևեկելի հատվածն ազատելու համար (տեսանյութ)
42402.07.2025, 13:00«Տուգանային հրապարակ տարված մեքենաները րոպե առաջ պետք է վերադարձվեն քաղաքացիներին»․ Գառնիկ Դանիելյան
88620.06.2025, 18:12«Գյումրու մաքսակետում անհարկի ձգձգում են ավտոմեքենաների մաքսազերծման գործընթացը»․ Գառնիկ Դանիելյան
92609.06.2025, 15:42ՆԳՆ-ն՝ Արմաշի վթարի մասին
106008.06.2025, 20:30Երևան-Սևան ավտոճանապարհի մի հատվածի աջ երթևեկելի գոտին փակ է լինելու
108505.06.2025, 21:24