«Այսօր պետությունը հարվածում է իր իսկ արժանիներին»․ Սամվել Հակոբյան

Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան գրառումը․ «Հայաստանի իշխանության թուլության ու փոքրոգության խորհրդանիշը նաև հենց այն փաստն է՝ ունենք ֆուտբոլիստ, ով մասնակցում է Չեմպիոնների Լիգայի եզրափակչին՝ մարզաշխարհի ամենաբարձր մակարդակին, բայց ազգային հավաքականում տեղ չունի։
Սա մեկ դեպք չէ։ Սա օրինաչափություն է՝ իշխանության համար արժեք չի ներկայացնում ո՛չ պրոֆեսիոնալիզմը, ո՛չ հայրենասիրությունը, ո՛չ էլ միջազգային հաջողությունը։ Կարևոր է միայն մեկ բանը՝ անձնական լոյալությունը։
Այսօր պետությունը հարվածում է իր իսկ արժանիներին։ Բայց վստահ ենք՝ այս համակարգն արդեն ունի փլուզման իր տրամաբանությունը։ Իսկ մեր արժանավորները իրենց տեղը կգտնեն, անկախ իշխանությունների քմահաճույքներից։
Հենո ջա՜ն, հաջողությո՜ւն ֆինալում»։