«Խայտառակ պատկեր է քրեակատարողական հիմնարկներում»․ Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանի գրառումը՝ կից տեսանյութով․ «Խայտառակ պատկեր է ՀՀ քրեակատարողական հիմնարկներում։
◾️Ունենք ինքնասպանությունների և ինքնավնասումների թվի աննախադեպ աճ։
◾️Շարունակաբար խախտվում են մարդկանց իրավունքները, որպես օրինակ, «Նուբարաշեն» ՔԿՀ-ում նախորդ ամսին տեղի ունեցած ցմահ դատապարտյալների ծեծը։
◾️Անազատության մեջ գտնվող անձինք ունեն առողջական բազմաթիվ խնդիրներ և հարազատներն ահազանգում են, որ հաճախ անհրաժեշտ բուժօգնություն ու դեղորայք չեն տրամադրվում։
Շարունակում եմ պնդել, որ ոլորտում բարեփոխումները անհրաժեշտություն են։ Պատրաստ եմ վերստին ներկայացնելու իմ առաջարկները նշված խնդիրների վերաբերյալ»։