«Ուսումնասիրեք Նիկոլ Փաշինյանի երեկվա հայտարարությունները, վարույթ նախաձեռնեք». Արծվիկ Մինասյանը` Աննա Վարդապետյանին

ԱԺ «Հայաստան» խմբակցության պատգամավոր Արծվիկ Մինասյանն Ազգային ժողովի, իր ելույթի ժամանակ դիմեց գլխավոր դատախազ Աննա Վարդապետյանին՝ խնդրելով իրավական գնահատական տալ Նիկոլ Փաշինյանի երեկվա պահվածքին. «Երեկվա հայտարարություններով Նիկոլ Փաշինյանը ոչ միայն առերևույթ քրեորեն պատժելի մի շարք արարքների հեղինակ դարձավ, այլև այս ամիբիոնից մեղադրանքներ հնչեցրեց, որոնք չեն կարող քրեական վարույթ հնչեցնելու համար հիմք չհանդիսանալ: Ընդդիմությանը մեղադրեց «շպիոն» լինելու մեջ: Սպառնալիքներ հնչեցրեց՝ նստելու եք և այլն: Հնչեցվել են կոնկրետ մեղադրանքներ: Օգտվելով այս առիթից՝ ես խնդրում եմ՝ ուսումնասիրեք, վարույթ նախաձեռնեք, եթե կա էդպիսի բան, ապա ներգրավեք և մեղադրանք առաջադրեք, հակառակ դեպքում սուտ մատնության համար էդ մարդու նկատմամբ քրեական վարույթ նախաձեռնեք: Չի կարելի այս ամբիոնն օգտագործել անհանդուրժողականությունը քարոզելու, սպառնալիքներ հնչեցնելու նպատակով»: