«Նման մասշտաբային ծրագիրը ո՛չ Նիկոլի ու ո՛չ էլ հավաքական ՔՊ-ի խելքի բանը չէր». Սամվել Ֆարմանյան

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Նորից՝ Հայաստանի 3-րդ հանրապետությունը կազմաքանդված է: Իմաստով, նարատիվներով, արժեքներով, աշխարհընկալումներով, հերոսներով, կառույցներով, էպոխայի բերումով և այլն:
Արցախն այդ մեծ «գործի» ընդամենը մի հանգույցն էր: Մաթեմատիկական ճշգրտությամբ:
Նման մասշտաբային ծրագիրը ո՛չ Նիկոլի ու ո՛չ էլ հավաքական ՔՊ-ի խելքի բանը չէր: Դա անհնար կլիներ անել միայն Նիկոլի իշխանության ուժով ու ռեսուրսով՝ առանց ներքին խոշոր շահընկերների ու կառույցների մասնակցության/օգնության, առանց արտաքին լայն աջակցության ու հզոր երաշխիքների:
ՀՀ 3-րդ նախագահն արդեն քանի տարի Նիկոլին իր խոսքում անվանում է «կառավարիչ»: Կառավարիչն այլոց սեփականությունը հանդիսացող գույքի վարձու ղեկավարը չէ՞: Դուք Սարգսյանին կարող եք տասնյակ բանում մեղադրել, բայց անտեղյակության կամ չմտածված՝ ավելորդ բառ օգտագործելու մեջ հաստատ չեք մեղադրի:
Հիմա, եթե Նիկոլը կառավարիչն է, ովքե՞ր են Նիկոլի իշխանության իրական փայատերերը: Ովքե՞ր են: Դրսով ու ներսով՝ ովքե՞ր են: Քանի դեռ այս տրիվիալ հարցի պատասխանը չկա՝ ոչինչ չի ստացվելու: Որովհետև չենք զանազանելու մեր իսկական բարեկամին ու թշնամուն: Չենք տարբերելու Նիկոլի իշխանությունը պահելու կամ տապալելու հարցում շահագրգիռ մարդկանց ու կազմակերպություններին:
Ժողովրդին չխառնեք: Ժողովուրդն այս մեծ դավաճանության առաջին ու միակ իրական զոհն է: Ինչպես միշտ է լինում:
Հ.Գ. Հարցն այն է՝ կլինի 4-րդ հանրապետություն, թե՞ հայկական պետականություն չի լինի ընդհանրապես: