«Պաշտոնի են նշանակում սանիկին, կնոջը, եղբորը. նեպոտիզմի հարցը ձեզ հետաքրքրո՞ւմ է, թե՞ ոչ». Արթուր Խաչատրյան

«Եթե վերցնենք իշխանության ու բիզնեսի՝ պայմանական ասված ծառերը, կտեսնենք, որ տարբեր ճյուղերի վրա իրար հետ ընկերական, ազգակցական կապերով կապված մարդիկ կան: Էսինչ մարդը էսինչ պաշտոնի է նշանակվել, որովհետև էսինչ մեկի սանիկն է, էսինչ մեկի կինն է, ախպերն է... Մամուլը կարդալու հետևանքը ո՞րն է, կա՞ որևէ դեպք, որ ասեք՝ էսինչ բանը որ գրված է՝ ճիշտ է»,- դիմելով Հակակոռուպցիոն կոմիտեի նախագահին՝ հարցրեց ընդդիմադիր պատգամավոր Արթուր Խաչատրյանը: Արթուր Նահապետյանն ասաց, որ հրապարակումներն ուսումնասիրվում են. «Ունենք բազմաթիվ դեպքեր, որ ուսումնասիրությունների արդյունքներով նախաձեռնվել են քրեական վարույթներ»: