«Ահա թե ինչպես են փորձում կարգավորել Հայաստան-Թուրքիա հարաբերությունները». Էդմոն Մարուքյան

ԼՀԿ ղեկավար Էդմոն Մարուքյանի թելեգրամյան գրառումը. «Իբր հայ-թուրքական հարաբերություններ կարգավորող իշխանության ներկայացուցիչ և Ազգային ժողովի փոխխոսնակ Հակոբ Արշակյանն իր ընդդիմախոս ՀՀ երկրորդ նախագահ Ռոբերտ Քոչարյանին և նրա որդուն վիրավորելու նպատակով հայտարարում է, որ ժողովուրդը ասում է, թե Ռոբերտ Քոչարյանի հայրը թուրք է։ Իսկ դրանից հետո ամբիոնին է մոտենում մեկ ուրիշ կարկառուն ՔՊ-ական՝ Արսեն Թորոսյանը, և զայրանքով նշում. «Ով մեզ ասի թուրք՝ նրա մերն էլ, հերն էլ, լավն էլ, ընտանիքն էլ»։
Ահա թե ինչպես են փորձում կարգավորել Հայաստան-Թուրքիա հարաբերությունները՝ Թուրքիայի դրոշը այրելը դատապարտող մեր իշխանությունները։
Դուք խայտառակություն և ամոթ եք։
Սակայն, ցավոք, հենց դուք եք մեզ՝ ՀՀ քաղաքացիներիս, ներկայացնում թե՛ Հայաստանում, թե՛ Հայաստանից դուրս»: