«Իրավաչափ կհամարվի նաև հաշվառման վկայագրերի ու վարորդական վկայականների թվային տարբերակը»․ Արփինե Սարգսյան

Ներքին գործերի նախարարությունը առաջարկում է հնարավորություն տալ ՀՀ տարածքում երթևեկել առանց հաշվառման վկայագրի և վարորդական վկայականի ֆիզիկական առկայության, եթե այդ փաստաթղթերը հատկացվել են ՀՀ իրավասու մարմինների կողմից։ Այս մասին այսօր Կառավարության նիստին հայտնեց ՆԳ նախարար Արփինե Սարգսյանը։ Առաջարկվող նախագիծը չի բացառի ֆիզիկապես հաշվառման վկայագիր և վարորդական վկայական ունենալու գործընթացը, այլ, դիմողի ցանկությամբ, կապահովվի դրանց թվային տարբերակը հատկացնելու հնարավորություն։ «Օրենսդրական փաթեթով հնարավորություն ենք տալիս ֆիզիկապես հաշվառման վկայագրի և վարորդական վկայականի պլատիկին զուգահեռ ունենալ նաև թվայնացված տարբերակը»,- ասավ Արփինե Սարգսյանը։ ՆԱ հայտնեց, որ գործող վարորդական վկայական ունեցողները կարող են դիմել ու ստանալ թվային վկայական։
Նախագծի մանրամասները՝ տեսանյութում։