«Մերժեցին սեփական երկրի պատմությունը»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը. «ԱԺ արտաքին հարաբերությունների հանձնաժողովը մերժեց ոչ թե «Պատիվ ունեմ»-ի նախագիծը այլ մերժեց սեփական երկրի պատմությունը:
Հայաստանում չի եղել գրեթե մեկ ընտանիք ում պապերը չեն մասնակցել Հայրենական մեծ պատերազմին0, 300 հազար զոհ տված Հայաստանը այսօր վախենում է դատապարտել ֆաշիզմը, սա իրոք աբսուրդ է:
Տպավորություն է, որ մենք Լիտվան ենք կամ Լատվիան, որտեղ դա նորմալ է համարվում, մենք Հայաստանում ենք, ով այդ պատերազմին տվել է ամեն հնարավոր բան, սկսած Էջմիածնի եկեղեցու ոսկիներից մինչև մի ամբողջ ազգի արյուն ու քրտինք:
Մենք Հայաստանում ենք և ունեցել ենք մարշալ Բաղրամյան և ադմիրալ Իսակով, Նելսոն Ստեփանյան և գնդապետ Զաքյան:
Ֆաշիզմի դեմ պայքարում հայ ժողովուրդը անկրկնելի ավանդ ունի և վստահ եմ միշտ էլ կունենա անկախ այսօրվա կառավարող շրջանակների արևմուտքի առաջ ունեցած թուլակամությունից ու վախերից»: