«ԱԺ-ն հայհոյելու տեղ չէ․ չեմ ուզում, որ «դոգիզմը» հաղթի Հայաստանում»․ Գեղամ Նազարյան

«Ամոթալի եմ գնահատում ամբողջը՝ ծայրից ծայր»,- այս մասին «ԱրմԼուր»-ի հետ զրույցում նշեց ԱԺ պատգամավոր Գեղամ Նազարյանը՝ անդրադառնալով երեկ ԱԺ-ում տեղի ունեցած միջադեպին՝ քաշքշուկներին ու հայհոյախառն արտահայտություններին։

Հարցին՝ արդյո՞ք Արսեն Թորոսյանի պահվածքը պատգամավորին վայել է, Նազարյանը պատասխանեց՝ ոչ։ Պատգամավորի կարծիքով՝ այդ հարցում անելիք ունի ոչ թե դատախազը, այլ հանրությունը․ «Հանրությունը պետք է գնահատական տա։ ԱԺ-ն հայհոյելու տեղ չէ։ Ես չեմ ուզում, որ դոգիզմը հաղթի Հայաստանում։ Հույս ունեմ՝ սա վերջին խայտառակությունն էր ԱԺ-ում»։