«Ի՞նչ նկատի ունի Արսեն Թորոսյանը՝ ասելով «քաղաքական վենդետա»»․ հարց՝ Արթուր Հովհաննիսյանին

«Ի՞նչ նկատի ունի Արսեն Թորոսյանը, երբ ասում է՝ քաղաքական վենդետա պետք է իրականացվի, արդյո՞ք կիսում եք այս մոտեցումը»,- խորհրդարանական ճեպազրույցի ժամանակ հարց ուղղվեց «Քաղաքացիական պայմանագիր» խմբակցության պատգամավոր Արթուր Հովհաննիսյանին։

Հովհաննիսյանը պատասխանեց․ «Քաղաքական վենդետա ասելով մեր գործընկերը նկատի ունի մեր քաղաքական հանձնառությունների մինչև վերջ իրականացում, որի արդյունքում իր նշած մարդիկ քաղաքականապես ՀՀ քաղաքական դաշտից վերանալու են։ Ես չեմ կարող այս տեսակետը չկիսել»։

Իսկ թե «արդյո՞ք պետք է քաղաքական վենդետա իրականացվի նաև Արսեն Թորոսյանի նկատմամբ» հարցին ՔՊ պատգամավորը արձագանքեց․ «Քաղաքական վենդետա են իրականացնում մեղավոր մարդկանց նկատմամբ։ Մեր գործընկերը մեզ հետ հավասարապես պայքարում է ՀՀ ինքնիշխանության և անկախության համար՝ այն մարդկանց դեմ, ում մասին ինքը խոսել է»։