«Եթե որևէ մեկը ներգրավված կլինի կոռուպցիայի մեջ, հատկապես՝ ՔՊ-ից, պատժվելու է»․ Արթուր Հովհաննիսյան

Խորհրդարանական ճեպազրույցի ժամանակ լրագրողը հետարքրվեց ՔՊ խմբակցության քարտուղար Արթուր Հովհաննիսյանից, թե ինչո՞ւ է հրաժարականի դիմում գրել Էջմիածնի քաղաքապետ Դիանա Գասպարյանը, արդյո՞ք այն կապված է նրա անվան շուրջ ծավակված կոռուպցիոն պատռմությունների հետ։

«Տիկին Գասպարյանն իր հրաժարականի վերաբերյալ բացատրություն հրապարակային ներկայացրել է, ես այն մեկնաբանելու անհրաժեշտություն չեմ տեսնում»,- ասաց Հովհաննիսյանը՝ չմեկնաբանելով նաև մամուլի հրապարակումները՝ Գասպարյանի ընտանիքի հետ կապված կոռուպցիոն պատմությունների վերաբերյալ։

«Գլոբալ կոնտեքստում անկախ մարդու անուն, ազգանունից ու քաղաքական պատկանելությունից՝ եթե որևէ մեկը ներգրավված կլինի որևէ կոռուպցիոն գործարքի մեջ, հովանավորչության գործարքի մեջ, պատժվելու է օրենքի ողջ խստությամբ, եթե, հատկապես, լինի «Քաղաքացիական պայմանագիր» կուսակցության թիմից։ Ես սա ասում եմ գլոբալ առումով»,- ասաց Հովհաննիսյանը։