«Իշխանությունը քոչվորներին բնորոշ ոհմակային սադրանքներ է հրահրում»․ Սեյրան Օհանյան

«Այսօր երկիրը ղեկավարվում է մի խմբի կողմից, որը չունի բովանդակություն, կարողություն, ռազմավարական տեսլական»,- խորհրդարանական ճեպազրույցի ժամանակ ասաց «Հայաստան» խմբակցության պատգամավոր Սեյրան Օհանյանը և, անդրադառնալով ԱԺ-ում վերջին օրերին տեղի ունեցող վիճաբանություններին, ընդգծեց․ «Քանի որ իշխանական պատգամավորները չունեն իրական պատասխաններ, ամեն անգամ, երբ ընդդիմությունը բարձրացնում է կարևոր բովանդակային հարցեր, փոխանակ պատշաճ պատասխանելուն, նրանք բեմադրում են բախում, աղմուկ, ցածրորակ շոու, սկսում են գոռգոռալ, վիրավորել, քոչվորներին բնորոշ ոհմակային սադրանքներ հրահրել։ Ամեն ինչ արվում է մեկ նպատակով՝ խեղդել թեման, փշրել բովանդակությունը, քաղաքական դաշտը վերածել Նիկոլ Փաշինյանի սրտի քաղաքական թատրոնի»։