«Տարածաշրջանային կարևորագույն գիտական ինստիտուտը ստիպված աստղադիտումների էքսկուրսիաներ է կազմակերպում». Նաիրա Կարապետյան

ԱԺ նախկին պատգամավոր Նաիրա Կարապետյանի ֆեյսբուքյան գրառումը․ «Կրթվելը պարտադիր է, կրթությունն ու գիտությունը պետության հիմնասյուն են:
Գիշերային աստղադիտման էինք գնացել: Տարվա այս շրջանով պայմանավորված՝ դիտեցինք Մարսը, Վեգա աստղը և մեծ աստղաբույլ:
Հետաքրքիր էր, գիտաշխատողն էլ իրոք շատ հետաքրքիր փաստեր էր պատմում: Երեխաներին անպայման տարեք:
Տարածաշրջանային կարևորագույն այս գիտական ինստիտուտը ստիպված աստղադիտումների էքսկուրսիաներ է կազմակերպում՝ ֆինանսական ներհոսք ապահովելու համար:
Թե բա՝ կրթվելը նորաձև է:
Կրթությունն ու գիտությունը պետության զարգացման, քաղաքացիների որակի հիմնական սյուներից են: Պետական հոգացության գլխավոր ուղղությունը:
Կրթվելն էլ, ի դեպ, պարտադիր է, և պարտադիր պետք է կրթվել մասնագիտորեն և ոչ՝ սիրողական»: