«Ինչո՞ւ չի բարեկարգվում Շաքիի ջրվեժ տանող ճանապարհը». Շիրակ Բունիաթյան

Ջերմուկի բնակիչ, բնապահպան Շիրակ Բունիաթյանը ֆեյսբուքյան իր էջում գրել է. «Ասեմ՝ էլի կասեն՝ բողոքում են։
Երեկ հերթական անգամ Շաքիի ջրվեժ էի գնացել։
Դե, ինչպես միշտ, մի քիչ սակավաջուր էր, ինչպես միշտ, մարդաշատ էր ու ինչպես միշտ՝ սիրուն։
Բայց նաև, ինչպես միշտ, ճանապարհը վատն էր ու ցեխոտ, «էն որ մեքենան մինչև վերջ ցեխոտված հետ ես դուրս գալիս ու փոխանակ տուրը շարունակես, տուրիստի հետ լվացման կետ ես ման գալիս»։
Ինչպես միշտ, ջրվեժ տանող կածանը կիսաքանդված էր ու շատերի համար վտանգավոր։
Սյունիք այցելող զբոսաշրջիկների ճնշող մեծամասնությունը ուզում է լինել Շաքիի ջրվեժում, բա լավ, էս ի՞նչ մեծ ծախսեր են, որ չի կառուցվում ճանապարը և չի բարեկարգվում տարածքը։
Փող չկա, թե՞ անտարբերությանա մատնվել»: