«Սերժ Սարգսյանի քաղաքականության արդյունքում մենք ավելի շատ կախվածության մեջ ընկանք Մոսկվայից». Գագիկ Համբարյան

Քաղաքագետ Գագիկ Համբարյանի ֆեյսբուքյան գրառումը. «Պարզվում է, ըստ արևմտամետ Դանիելի, Տեր-Պետրոսյանը, Սարգսյանը և Նիկոլ Անհողը «փորձում էին նվազեցնել կամ կառավարել Ռուսաստանի՝ Հայաստանի նկատմամբ ունեցած լծակները»:
Այսպիսի հայտարարություն անելու համար կա՛մ պետք է նրանց կառավարման տարիների պատմությունը չիմանալ, կա՛մ էլ դիտավորյալ կեղծել պատմությունը:
Նախ՝ հենց Տեր-Պետրոսյանի ժամանակ է ռուսական ռազմաբազան հաստատվել Հայաստանում: Հենց Տեր-Պետրոսյանն էր խնդրել ռուսներին իրենց ռազմաբազան տեղակայել Հայաստանի տարածքում և պարտավորվել էր այդ ռազմաբազայի ծախսերի 50 տոկոսը վճարել Հայաստանի բյուջեից:
Սերժ Սարգսյանի «ռուս-արևմտյան» վայրիվերումային արտաքին չսատված քաղաքկանության արդյունքում մենք ավելի շատ կախվածության մեջ ընկանք Մոսկվայից, որի «կոմպենսացիան» եղավ արևմտյան հովանավորությամբ տարատեսակ ՀԿ-ների գործունեությունը Հայաստանում: Վառ օրինակը՝ 2013 թ-ին ԵՄ-ի հետ Վիլնյուսում Ասոցացման համաձայնագրի կնքման ձախողումն էր և Երևանի ԵԱՏՄ անդամ դառնալն էր:
Ինչ վերաբերվում է կապիտուլյանտ Նիկոլին, ապա վերջինս գործելով «Չկա՛ Արցախյան հարց, չկա՛ ռուսական ներկայություն Հայաստանում» կարգախոսին համաձայն և դիտավորյալ քանդելով Մինսկի խմբի ֆորմատում բանակցային գործընաթցը, ինչպես նաև դիտավորյալ սանձազերծելով պատերազմ և ահռելի զոհերի գնով տանելով Հայաստանը խայտառակ պարտության ու 2022 թ-ի հոկտեմբերի 6-ին Ֆրանսիայի նախագահի քավորությամբ Արցախը նվիրելով Ադրբեջանին, ոչ թե թոթափեց ռուսական ներկայությունը Հայաստանում, այլ Հայաստանը մտցրեց թուրք-ադրբեջանական տանդեմի տակ և հիմա Հայաստանի վարչապետի պաշտոնը զբաղեցնողն աղերսում է թուրքերից ինչ-որ թղթի կտոր՝ դրա դիմաց կատարելով թուրքերի բոլոր երազանքները, որոնց վերջնարդյունքը՝ Հայաստանի երրորդ հանրապետության կործանումն է:
Ի դեպ, արևմուտքը երբեք մեզ չի ասել, որ պատրաստ է պաշտպանել մեզ: Ավելին՝ հենց Բրյուսելի, Գրանադայի, Պրահայի հանդիպումներից հետո է կապիտուլյանտ Նիկոլը ծնկել թուրքերի առաջ, որն ապացուցում է, որ հենց արևմուտքն է մեր հաշվին էլ ավելի եղբայրանում ՆԱՏՕ-ի անդամ Թուրքիայի և վերջինիս կրտսեր եղբայր Ադրբեջանի հետ:
Ստացվում է ՝ պառկելով թուրքերի տակ ու կատարելով Անկարայից և Բաքվից իջնող ստորացուցիչ շանտաժները և պարտադրանքները և գեներացնելով հակառուսական հիստերիա, մենք ավելի ենք անկախանո՞ւմ...»: