«Էդգար Ղազարյանը, Նարեկ Մալյանը, ով ուզում է ձեռնարկի, չենք ստորագրի». Հակոբ Ասլանյան

«Էդգար Ղազարյանը, Նարեկ Մալյանը, ով ուզում է ձեռնարկի իմպիչմենթ, պարոն Աղազարյանն ու ես չենք ստորագրի, պրոցեսը չի գնա, որովհետև պրոցեսը գնալու է էնպես, ինչպես հիմա գնում է: Մենք հայտարարել ենք, որ Քոչարյան-Սարգսյան առանցքում գտնվող որևէ ուժի հետ չենք համագործակցի»,- ԱԺ-ում լրագրողների հետ զրույցում ասաց պատգամավոր Հակոբ Ասլանյանը:

Ինչպես հայտնի է, պատգամավորներ Հովիկ Աղազարյանն ու Հակոբ Ասլանյանը վարչապետի թեկնածու են առաջադրել «Լուսավոր Հայաստան» կուսակցության նախագահ Էդմոն Մարուքյանին: Աղազարյանն ավելի վաղ հայտնել էր, որ ինքն ու Ասլանյանը պատրաստվում են Նիկոլ Փաշինյանի նկատմամբ իմպիչմենթի գործընթաց սկսել խորհրդարանում։