«Եթե վարչապետի կամ նախարարի մակարդակով հանդիպումներ լինեն, ավելի ֆունդամենտալ քննարկումներ կունենանք»․ Արարատ Միրզոյան

«Ադրբեջանը նշում է պայմաններ, որոնց կատարումը, ըստ իրենց, պետք է ավելի դյուրինացնի խաղաղության պայմանագրի կնքումը»,- ասաց Արարատ Միրզոյանը՝ անդրադառնալով Ադրբեջանի նախապայմաններին՝ Մինսկի խմբի լուծարում, Սահմանադրության փոփոխություն։ «Ունենք երկու ճանապարհ․ եթե դիցուք, Ադրբեջանի մտահոգություններն անկեղծ են, այսինքն Ադրբեջանը անկեղծորեն մտահոգված է, որ ՀՀ Սահմանադրությունը ունի տարածքային պահանջներ, այս դեպքում այդ մտահոգությունների հասցեագրման ամենակարճ ճանապարհը խաղաղության պայմանագրի ստորագրումն է, ոչ թե չստորագրումը»,- ասաց նախարարը՝ հավելելով, որ հակառակ դեպքում պետք է շարունակվեն բանակցությունները, մինչև լուծումը գտնվի։ «Եթե կարողանանաք բարձր մակարդակով՝ վարչապետի, նախարարի, հանդիպումների պայմանավորվածություն ձեռք բերել Ադրբեջանի հետ, կկարողանանք ավելի ֆունդամենտալ քննարկումներ ունենալ»,- ասաց Միրզոյանը։