«Նկատե՞լ եք՝ ինչքան շատ են շտապօգնության մեքենաների մասնակցությամբ վթարները»․ Հակոբ Կարապետյան

Լրագրող Հակոբ Կարապետյանի ֆեյսբուքյան գրառումը․ «Նկատե՞լ եք, թե ինչքան շատ են շտապ օգնության մեքենաների մասնակցությամբ վթարները։ Հետաքրքիր է՝ ինչու։ Կարող եմ ենթադրել, որ պատճառներից մեկը (եթե ոչ հիմնականը) այն է, որ ՇՕ մեքենաները ձայնային ազդանշանները միացնում են ոչ թե ամբողջ երթևեկության ընթացքում, ինչպես կարգն է, այլ միայն խիստ անհրաժեշտության դեպքում՝ խաչմերուկներին մոտենալիս։ Իսկ դա լրացուցիչ ռիսկ է առաջացնում ու մեծացնում է վթարի հավանականությունը, որովհետեւ երթևեկության այլ մասնակիցները չեն հասցնում արձագանքել ու վերադասավորվել։
Իսկ նկատել ե՞ք, թե ուրիշ մեծ քաղաքներում ինչքան հաճախ են հնչում սիրենքները։ Հետաքրքիր է՝ մեր ոստիկանությունը էս վթարների պատճառների վիճակագրություն անո՞ւմ է»։