«Ո՞ր երկրներում են ազատված տնօրենները պատմում նախարարության անօրինական հանձնարարականների մասին»»․ Անուշ Պողոսյան

«Առողջության իրավունք» ՀԿ համահիմնադիր Անուշ Պողոսյանի ֆեյսբուքյան գրառումը․ «Բժշկական կենտրոնների տնօրենների համար բժշկական կրթության պարտադիր լինելու հարցը առաջիկայում կվերանայվի։ Այս մասին հայտարարեց ՀՀ առողջապահության նախարար Անահիտ Ավանեսյանը։ «Մեր խորին համոզմամբ, ինչպես նաև ուսումնասիրելով միջազգային փորձը՝ պարզ է դառնում, որ բժշկական կենտրոնների կառավարման ֆինանսական հատվածը և բուժական հատվածը պետք է որոշակիորեն տարանջատվեն։ Դրանով մենք համակարգային փոփոխություն կմտցնենք բժշկական կենտրոնների ընդհանուր կառավարման մեջ»,–ասաց Ավանեսյանը»։ Հետաքրքիր է, միջազգային փորձը ուսումնասիրել է Անահիտ Ավանեսյանը, ուստի կարող է ասել, թե որ երկրներում են մրցույթը չհաղթահարած, տնօրենի պահանջներին չհամապատասխանող անձինք նշանակվում տնօրեններ, կամ որ երկրներում են իշխող կուսակցության անդամներին առանց մրցույթի նշանակում մրցույթային պաշտոններում, կամ պաշտոնից ազատվելուց հետո որ երկրներում են ազատված տնօրենները պատմում նախարարության անօրինական հանձնարարականների մասին»։