«Ալեն Սիմոյանը չգիտե, որ երբեմն շաբաթն ուրբաթից շուտ է գալիս»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը. «Ալեն Սիմոնյանը վստահ է, որ անքննելի են թե՛ Աստծո, թե՛ իր գործերը, իր դեպքում՝ նաև՝ մտքերը։ Անգամ, եթե դրանք հայրենադավ են։ Այսօր նա հպարտորեն հայտարարել է․ «Հիմա ո՞նց են հայերն ապրում Վրաստանում, նույն կերպ ադրբեջանցիներն են ապրելու այստեղ»։
Ալեն Սիմոնյանը վստահ է նաև, որ եթե Հայաստանում իշխանություն և քաղաքականություն փոխվեն, ապա ինքն առանց աչքն անգամ թարթելու, նույն ոգևորությամբ հայրենասիրական հայտարարություններ կանի, հրապարակավ կանիծի Ալիևին ու ադրբեջանցիներին, իսկ Նիկոլ Փաշինյանին մեկեն անարգանքի սյունին կգամի։ Թերևս վստահ, որ քաղաքականությունն արագ մտքափոխվելու արվեստ է, և կամ այն հույսով, որ Հայաստանում ոչ ոք ոչ մի բանի համար պատասխան չի տվել և չի տա։
«Ամենամեծ քաղաքական մարմնի ներկայացուցիչ» Ալեն Սիմոյանը չգիտե, որ նույնիսկ հայաստանյան քաղաքականության մեջ երբեմն շաբաթն ուրբաթից շուտ է գալիս և այնպես արագ, որ չես հասցնում ոչ միայն մտքերդ փոխել, այլև ժամացույցդ ուղղել»։