«ԱՄՆ-ն և Չինաստանը պարտադիր են դարձրել արհեստական բանականության կրթությունը դպրոցներում». Արսեն Հարությունյան

Օգտատեր Արսեն Հարությունյանը ֆեյսբուքյան իր էջում գրել է. «Իսկ դուք գիտե՞ք, որ աշխարհի երկու ամենամեծ տնտեսություն ունեցող երկրները՝ ԱՄՆ-ն և Չինաստանը, արդեն պարտադիր են դարձրել արհեստական բանականության (AI) կրթությունը դպրոցներում։ Չինաստանում այս տարվանից AI-ը սկսում են ուսումնասիրել արդեն վեց տարեկանից, իսկ Թրամփը երեկ ստորագրեց հրամանագիր, որով AI-ը ինտեգրվում է ԱՄՆ-ի դպրոցական կրթական համակարգում՝ սկսած բարձր դասարաններից։
AI-ը այժմ դառնում է հիմնական կրթության մաս՝ մաթեմաթիկայի և գրականության կողքին։ Այն կարող է բազմակի արագացնել կրթության հասանելիությունը և վերափոխել սովորելու ձևը՝ անկախ առարկայական ուղղությունից։
Եթե աշխարհի առաջատար երկրները պարտադիր են դարձնում AI-ի ուսուցումը, ապա մենք ևս պետք է սկսենք ձևավորել սերունդ, որը ոչ միայն օգտագործում է AI-ը, այլև ստեղծում է։
Եթե որևէ մեկը տեղեկություն ունի՝ ինչ է արվում կամ նախատեսվում այս ուղղությամբ Հայաստանում, խնդրում եմ՝ կիսվեք։ Շատ հետաքրքիր է»։